UNEC kollektivi şəhid Hikmət Şıxməmmədovun məzarını ziyarət edib

Biznes və menecment fakültəsi və Tələbə Həmkarlar İttifaqı Komitəsinin kollektivi Vətən müharibəsində şəhid olmuş UNEC məzunu Hikmət Şıxməmmədovun ad günündə onun məzarını ziyarət edib.

AzEdu.az xəbər verir ki, Ağstafa rayonunun Dağkəsəmən kəndində şəhidin məzarını ziyarət edən UNEC kollektivi onun ailəsi ilə görüşərək, xoş xatirələrini bölüşüblər.

Sonra şəhidin ailə üzvlərinə Hikmət Şıxməmmədovun rəsminin həkk olunduğu xalça və Fəxri fərman təqdim ediblər.