Dövlət hesabına təhsil alacaq tələbələrin əhatə dairəsi genişləndirilir

Təhsil haqqının dövlət büdcəsi vəsaiti hesabına ödənilməsi ilə əlaqədar mövcud normativ-hüquqi aktların təkmilləşdirilməsi məqsədilə “Təhsil haqqında” Azərbaycan Respublikasının Qanununda dəyişiklik edilib. 
Bu barədə Edupress.az-a Elm və Təhsil Nazirliyindən məlumat verilib.

Nazirlikdən bildirilib ki, yeni dəyişikliyə əsasən, qüvvədə olan və sosial qruplar üçün tətbiq edilən təhsil haqqı imtiyazlarının hər biri “Təhsil haqqında” Azərbaycan Respublikasının Qanununa əlavə olunub.

Qeyd edək ki, bununla yanaşı, təhsil haqqı dövlət büdcəsinin vəsaiti hesabına ödəniləcək şəxslərin əhatə dairəsi genişləndirilib.