Şagirdlər AzTU-ya ekskursiya ediblər

Türkiyə Dəyanət Vəqfi Bakı Türk Liseyinin X və XI sinif şagirdləri və onların müəllimləri Azərbaycan Texniki Universitetinə (AzTU) ekskursiya ediblər.

Edupress.az  xəbər verir ki, qonaqlar əvvəlcə AzTU-nun ərazisində təşkil edilən infoturda iştirak ediblər.

Daha sonra keçirilən görüşdə AzTU-da həyata keçirilən yeniliklər barədə abituriyentlərə məlumat verilib.

Universitetin tarixi, fakültələr, ixtisaslar, beynəlxalq əlaqələr, ikili diplom proqramları, laboratoriyalar, karyera imkanları və digər vacib məlumatlar abituriyentlərin diqqətinə çatdırılıb.