BSU ilə Təhsil Tələbə Krediti Fondu arasında anlaşma memorandumu imzalanıb

Bakı Slavyan Universiteti (BSU) ilə Təhsil Tələbə Krediti Fondu arasında anlaşma memorandumu imzalanıb. Sənədi BSU-nun rektoru Anar Nağıyev və Fondun İdarə Heyətinin sədri Araz Paşayev imzalayıblar.

BSU-dan Edupress.az-a bildirilib ki, memoranduma əsasən, universitetin tələbələri kredit imkanları ilə yanaşı, Təhsil Tələbə Krediti Fondu tərəfindən yaradılan müxtəlif imkanlardan faydalana biləcəklər.

Sənədin imzalanmasında məqsəd qarşılıqlı anlaşma əsasında tələbələrin işlə təmin olunması, birgə tədbirlərin təşkili, təhsil alanların bilik və bacarıqlarının davamlı inkişafının təmin edilməsi ilə bağlı layihələrin birgə icrası sahələrində əməkdaşlıqdan ibarətdir.