Təkrar sertifikatlaşdırma ilə bağlı apellyasiya müraciətlərinə başlanılıb

Müəllimlər üçün təkrar sertifikatlaşdırma prosesinin iyunun 8-də təşkil edilmiş test imtahanı mərhələsi üzrə apellyasiya müraciətlərinin qəbuluna başlanılıb.

Təhsil İnstitutu nəzdində İnsan Resursları Mərkəzindən Edupress.az-a bildirilib ki, müəllimlər imtahanda təqdim edilən suallarla bağlı müraciətlərini portal.edu.az platformasının “Sertifikatlaşdırma” bölməsinə daxil olmaqla ünvanlaya bilərlər.

Müraciətlər iyunun 13-ü saat 11:00-dək qəbul olunacaq.

Müraciətlərin təhlilindən sonra yekun nəticələr elan ediləcək.