.png)
Tələbələri STEM dərəcələrini seçən ölkələr
Elm, texnologiya, mühəndislik və riyaziyyat sahələrində (STEM) ixtisaslaşan məzunlara getdikcə dünyanın müxtəlif ölkələrində tələbat artmaqdadır. Artıq STEM məzunlarına qlobal miqyasda maraq var. Bir çox ölkələr medtech, rəqəmsal xidmətlər, mobillik və ya kompüter elmləri kimi mühüm inkişaf sənayelərinə kömək etmək üçün STEM- təhsilə axını gücləndirməyə çalışır. Ölkələr bu məsələdə müxtəlif uğurlar əldə ediblər.
YUNESKO-nun Statistika İnstitutunun topladığı rəqəmlərə görə, Malayziya və Tunisdəki ali təhsil müəssisələrinin tələbələrinin STEM sahəsində məzun olma ehtimalı ən yüksəkdir, bu ölkələrdəki tələbələrin 43,5-40 faizi müvafiq STEM dərəcəsi alır.
Hindistanda tələbələrin 34 faizi STEM dərəcəsini seçir. Təxminən 1,4 milyard nəfərlik əhalisinə görə Hindistan bu sahədə ümumilikdə ən çox məzun hazırlayan ölkələrdəndir.
Dünya İqtisadi Forumun hesabatlarına əsasən, Çin ildə 4,7 milyon STEM məzunu yetişdirir ki, bu da Hindistanın sayını üstələyir. Bununla belə, Milli Elm Fonduna görə, Çin mühəndislik və elm sahələrini olduqca geniş şəkildə təsnif edir.
STEM məzunlarının güclü üstünlük təşkil etdiyi ölkələr Birləşmiş Ərəb Əmirlikləri, Almaniya, Belarus və Cənubi Koreyadır – bu ölkələrin hər biri 30 faizdən çox STEM məzunu hazırlayır.
Ümumilikdə, STEM məzunlarının başqa yerlərə nisbətən daha yüksək paya malik olmasına nail olan ölkələrə ərəb dünyasında, Şərqi Avropada və həmçinin Şərqi Asiyada daha çox rast gəlinir. Tunisdən sonra, Əlcəzair, Mavritaniya və Mərakeşdə STEM dərəcəsi alanların payı da 29%-dən yuxarıdır ki, bunun da hamısı regionda kompüter mühəndisliyinin yayılması ilə əlaqədardır. Ərəb Körfəzi son vaxtlar öz iqtisadiyyatlarını innovasiyalar etməyə can atan bir məkan çevrilib. Körfəz ölkələrindən BƏƏ və Omanda orta səviyyədən yuxarı sayda STEM məzunları hazırlanır.
Almaniya istisna olmaqla, Qərbi Avropa STEM “istehsalçısı” deyil. Böyük Britaniya məzunlarının yalnız 26 faizi, Fransada 25 faizi və İspaniyada 23 faizi STEM kurslarından əmək bazarına atılır. Amerika qitəsində daha az məzun -19,6 faiz, Braziliyada 17,5 faiz STEM dərəcəli məzun hazırlanır.
