Liseylər yoxsa dövlət məktəbləri?-AÇIQLAMA

Hər bir valideyn övladının yaxşı təhsil almasını və yüksək səviyyəli məktəbdə oxumasını vacib bilir. Azərbaycanın təhsil sekotunda orta statistik nəticələr onu göstərir ki, dövlət məktəbləri ilə müqayisədə lisey-gimnaziyalar daha güclüdür. Bəs lisey-gimnaziyalar və dövlət məktəbləri arasındakı fərq nədir? Bununla bağlı BiG.AZ-a danışan Sosial Tədqiqatlar Mərkəzinin sektor müdiri, elm və təhsil məsələləri üzrə tədqiqatçı Elmin Nuri deyib ki, Azərbaycanda fəaliyyət göstərən lisey və gimnaziyaların keyfiyyəti, tədris nəticələri orta statistik ümumi təhsil məktəblərini xeyli qabaqlayır. İlkin səbəbi ondan ibarətdir ki, həmin lisey və gimnaziyaların özünə sayı seçmə şagirdlər qəbul olunur:

"Onlar artıq xam deyil, bişmiş və yüksək keyfiyyətli uşaqlar ilə işlərini qururlar. Təsəvvür edin, lisey və gimnaziyalara imtahan artıq mərkəzləşdirilmiş şəkildə həyata keçirilir. Orada ciddi tələbat var. Təxminən 20-25 min nəfər aralıqda uşaqlar Azərbaycanda fəaliyyət göstərən lisey və gimnaziyalarda oxumaq üçün hər il imtahan verirlər. Son üç il ərzində olan göstəriciyə görə, daha artmış hesab olunur. Lisey və gimnaziyalar şagird qəbulunda ələmə prinsipindən istifadə edirdilər. Qəbul prosesində ələnərək ən yaxşı şagirdlər onların sıralarına qoşulur. Bu kontingent ilə işləmək daha rahat olur. Onlar ilə hədəfə doğru getmək, yaxşı nəticə qazanmaq daha rahatdır. İkincisi müəllim keyfiyyətidir. Lisey və gimnaziyalar orta məktəblərə nisbətdə müəllimlərə daha yaxşı maaş verir. Müəllimin orada öz fəaliyyətinə fokuslanması, repetitorluğa deyil, məhz orada dərs deməsi, tədrisinə önəm verməsidir. Müəllimdən bunu tələb şəklində sorğulanması halları olduğu üçün təhsil verən və təhsil alan arasındakı mexanizmdə yaxşı qurulmuş olur".

Ekspert əlavə edib ki, üçüncü səbəb infrastrukturdur. Lisey və gimnaziyalarda qurulmuş texniki infrastruktur çox yüksək səviyyədədir. Təkcə texniki deyil, digər avadanlıqlar, xüsusi labaratoriyalar, fənn kabinələri lisey və gimnaziyalarda daha mütəşəkkil səviyyədədir:

"Orta statistik məktəblər bu prizmadan onlarla rəqabət apara bilməz. O mühitdə olan şagirdin göstəricisi təbii ki, daha yaxşı olacaq. Dördüncü səbəb isə modern təhsil çağırışlarına cavab vermələridir. Lisey və gimnaziyaların böyük uğurlarından biri də budur. Orada ingilis dilini bilən müəllimlər daha çoxdur və xaric ilə daha çox əlaqəlidir. Modern metodları ölkəmizdə çalışdıqları məktəblərə gətirməyə meyillidirlər. Bu səbəbdən lisey və gimnaziyaların nəticələri daha yüksək səviyyədə olur. Söhbət təkcə universitet nəticələrdən getmir. Onlar əmək bazarına bu yollar ilə yaxşı kadr hazırlayırlar. Cəmiyyətə daha düşüncəli, analitik keyfiyyətə malik uşaqlar yetişdirə bil